منگلورو:9/اپریل(ایس اؤنیوز)منگلورو ۔ بنگلورو (یشونت پور) کے درمیان دن میں چلنے والی ٹرائی ویکلی ’’کوڈلا ایکسپرس ‘‘ کومرکزی وزیر برائے ریلوے سریش پربھو نے 48-11بجے گوا سے وڈیو کانفرنس کے ذریعے ہری جھنڈی دکھائی ۔ اسی مناسبت سے منگلورو جنکشن ریلوے اسٹیشن پر منعقدہ پروگرام میں مرکزی وزیر ڈی وی سدانند گوڈا، ضلع نگراں کار وزیر بی ، رماناتھ رائی ، ایم پی نلین کمار ، رکن اسمبلی جے آر لوبو، آئیون ڈیسوزا، گنیش کارنیک، ضلع پنچایت صدر میناکشی شانتی گوڈو، میئر کویتا سنیل وغیرہ موجود رہ کر ہر ی جھنڈی دکھائی ۔

ٹرائی ویکلی کوڈلا ایکسپرس کی تفصیلات:ٹرین 16576/16575نمبروالی دوریل ہفتہ میں 3تین دوڑیں گی ۔ ٹرین نمبر 16576منگلورو جنکشن سے پیر، بدھ اور جمعہ کوصبح 30-11بجے نکل کر رات 30-08بجے یشونت پور پہنچے گی۔ جب کہ ٹرین نمبر 16575یشونت پور سے اتوار، منگل اور جمعرات کو دوڑے گی ، صبح 50-7بجے یشونت پور سے نکل کر شام 30-05بجے منگلورو جنکشن پہنچنے کی اطلاعات موصول ہوئی ہیں۔